Директорката на Клиниката за инфективни болести д-р Милена Стевановиќ е во добра здравствена состојба по позитивниот ковид тест и од петок ќе се врати на работа, потврди таа за САКАМДАКАЖАМ.МК.

Неколку медиуми попладнево објавија дека тројца лекари и една медицинска сестра од Клиниката се позитивни на коронавирус.

„Добро сум, 14 дена поминаа, практично без симптоми. Од петок ќе почнам со работа“, ни изјави директорката.

На нашето прашање уште колку колеги се заболени, директорката вели дека информациите се целосно депласирани.

„Имам уште двајца колеги кои исто така се при крај со боледувањето, епидемиолошки неповрзани“, додава докторката.

Б. НЕСТОРОСКА