1. Кој ве­ле­ше де­ка ВМРО-ДПМНЕ и ДА пад­на­ле во брач­на кри­за? Да беа рас­ка­ра­ни, не­ма­ше да из­ле­зат тол­ку нас­ме­а­ни од пар­тис­ко­то по­ми­ру­ва­ње на Сај­миш­те­то. Што мис­леа дру­ги­те, де­ка на Сај­миш­те­то ќе се ор­га­ни­зи­ра па­на­ѓур? И де­ка та­ка ев­ти­но ќе се рас­ту­ри ко­а­ли­ци­ја­та? И тоа са­мо за­тоа што Ци­ле ре­че де­ка неш­то не е мно­гу за­до­во­лен, а Љуб­чо е за­до­во­лен од пр­ви­те “ме­де­ни” 100 де­на. Кај мо­же Ци­ле да се за­до­во­ли ко­га ни­ко­гаш не е во зем­ја­та да ги по­чувс­тву­ва бла­го­да­ти­те на про­ме­ни­те.
Баш­ка, как­ви се тие за­јад­ли­ви ко­мен­та­ри око­лу раз­лич­ни­те из­ја­ви за ди­ри­ги­ра­но­то вра­бо­ту­ва­ње. Во ист ден Ци­ле збо­ру­ва за ди­ри­ги­ра­но вра­бо­ту­ва­ње, а Љуб­чо ве­ли де­ка не раз­мис­лу­ва за так­во вра­бо­ту­ва­ње. Ве­ро­јат­но та­ка се усог­ла­си­ле на ме­ѓу­пар­тис­ки­от са­мит.
Ка­ко и да е, брач­ни­те пар­тне­ри ос­та­ну­ва­ат за­ед­но. Кога станува збор за ста­бил­на вр­ска. Љуб­чо и Ци­ле се во брак од ин­те­рес. А так­ви­те бра­ко­ви оп­ста­ну­ва­ат. Уба­ви­на­та и љу­бов­та се мин­ли­ви, ама ин­те­ре­си­те се веч­ни. Баш­ка, кри­за­та во бра­ко­ви­те од ин­те­рес се ре­ша­ва со ска­пи по­да­ро­ци.
За­тоа Љуб­чо им по­ра­ча на душ­ма­ни­те да пук­нат, ама тој и Ци­ле ќе про­дол­жат да си жи­ве­ат во брач­на иди­ла. И не­ка прес­та­нат сва­то­ви­те, и од ед­на­та и од дру­га­та стра­на, да ши­рат гла­сови де­ка неш­то не им би­ло во ред. Де­мек, во брач­на­та за­ед­ни­ца, ед­ни­от пар­тнер бил би­сек­су­а­лец. И – кој е се­га  пе­де­рот? Пот­прет­се­да­тел­ка­та Дос­та Ди­мов­ска пред ка­ме­ри­те на са­ми­тот та­инс­тве­но се смеш­ка­ше и ве­ле­ше: “Па не знам се­га, ќе ја ви­ди­ме таа ра­бо­та!”
Ќе ја ви­ди­ме си­гур­но. Ко­га на ба­ба­та ќе ѝ ги ви­ди­ме за­би­те.

2. На­ша­та на­ци­о­нал­на тра­ге­ди­ја е што оваа ра­бо­та не ја гле­дав­ме уш­те во 1990 го­ди­на, ко­га про­ме­ни­те се слу­чу­ваа на­се­ка­де низ Ис­точ­на Ев­ро­па. За де­вет го­ди­ни, белки ќе се из­на­жи­ве­е­ја и ед­ни­те и дру­ги­те. Ва­ка ќе тре­ба да ги че­ка­ме и овие да се из­жи­ве­ат. Па се­га на Љуб­чо му се слу­чу­ва­ат кад­ри со та­ков про­фил, ка­ко оние што го зез­наа Бран­ко. Ба­рем так­ви до се­га се из­наг­ле­дав­ме и про­па­тив­ме. Оти сит­ни­от чо­век не ста­ну­ва го­лем со са­мо­то тоа што ќе сед­не на не­ко­ја го­ле­ма фо­телја. Та­ков чо­век мо­же да нап­ра­ви са­мо по­го­ле­ма бе­ља.

3. Пре­ми­е­рот не са­ка бе­ља­џии. И за­тоа си се има оси­гу­ра­но, ко­га ќе се по­ја­ви на ин­тер­вју на др­жав­на­та те­ле­ви­зи­ја да знае што ќе го пра­ша­ат. Ис­то та­ка пра­ве­ше и не­го­ви­от прет­ход­ник. Од це­ли­от раз­го­вор не­ма што да за­па­ме­тиш. Ос­вен мо­же­би: “Гос­по­ди­не пре­ми­е­ре, да­ли сте за­мо­ре­ни од на­пор­ни­от ден?” и “Кој се гри­жи за ва­ши­от имиџ”. А тоа, ќе приз­на­е­те, е клуч­ни­от проб­лем  што тре­ба да го ре­ши пре­ми­е­рот по пр­ви­те 100 де­на вла­де­е­ње.
Гос­по­ди­не пре­ми­е­ре, ка­же­те ми што да ве пра­шам? Ова е вре­ме на про­ме­ни. Не се ме­ну­ва сти­лот на ин­тер­вју­то. Не се ме­ну­ва ни но­ви­на­рот. Се ме­ну­ва­ат са­мо пре­ми­е­ри­те.
Впро­чем, но­ви­нар­ство од ти­пот “ка­же­те ми што да ве пра­шам” е мно­гу важ­но за ус­пе­хот на се­ко­ја вла­де­јач­ка гар­ни­ту­ра. Ве­ро­јат­но, спо­ред так­во­то сфа­ќа­ње на ра­бо­ти­те фун­кци­о­ни­ра чет­вр­та­та власт, за ко­ја ни збо­ру­ва­ше Ва­сил Ту­пур­ков­ски во пре­диз­бор­на­та кам­па­ња. И прет­ход­на­та вла­да чет­вр­та­та власт ја кон­тро­ли­ра­ше со ин­ста­ли­ра­ни пар­ти­ски ко­ме­са­ри по ре­дак­ци­и­те. Би­деј­ќи е вре­ме на про­ме­ни, се сме­ни­ја и ко­ме­са­ри­те. Тоа е мно­гу здра­во за но­ви­нарс­тво­то, осо­бе­но ко­га пре­тен­ди­ра да би­де не­как­ва власт, па ма­кар и чет­вр­та. Ка­ко да вла­дее, ко­га не знае по чи­ја пар­ти­ска ди­рек­ти­ва?

4. Ев­роп­ска­та ко­ми­си­ја си да­де ко­лек­тив­на ос­тав­ка по об­ви­ну­ва­ња­та де­ка во неа ца­ру­вал не­по­тиз­мот. За­мис­ле­те, не­ко­ја ев­ро­ко­ме­сар­ка се чувс­тву­ва­ла од­го­вор­на би­деј­ќи за со­вет­ник си го пос­та­ви­ла лич­ни­от сто­ма­то­лог. Чо­ве­кот не ѝ е ни род­ни­на. Да ум­реш од сме­е­ње. За­мис­ле­те што би се слу­чи­ло ако си­ро­маш­ка­та ев­ро­ко­ме­сар­ка за со­вет­ник си ја пос­та­ве­ла лич­на­та гле­дач­ка. Би се са­мо­у­би­ла.
Ев­ро­пеј­ци­те се мно­гу сту­де­ни и бес­кру­пу­лоз­ни лу­ѓе. За­тоа и не са­ка­ме да ги при­ми­ме во на­ше друш­тво. Што ќе ни се так­ви? Как­ви се тие ис­кри­во­кол­че­ни сфа­ќа­ња за влас­та? На­ше­то до­ма­ќин­ско сфа­ќа­ње е тат­ко­то да се гри­жи да си ги здо­ми де­ца­та, вну­ци­те, род­ни­ни­те и при­ја­те­ли­те. Зош­то то­гаш би се бо­рел да дој­де на власт?
Кај нас не­ма не­по­ти­зам, или не дај бо­же вра­бо­ту­ва­ње по при­ја­тел­ска ли­ни­ја. Проб­ле­мот е са­мо во тоа што сме ма­ла др­жа­ва. Па си­те се зна­е­ме ме­ѓу се­бе и си­те ни се или род­ни­ни, или при­ја­те­ли, или од дру­га пар­ти­ја.

5. МВР не са­ка да му ги пла­ќа прес­ка­пи­те па­со­ши на ЗУС, па до­де­ка не нап­ра­ви но­ви, гра­ѓа­ни­те џа­бе че­ка­ат пред шал­те­ри­те. Па­со­ши не­ма. Зна­чи, од оваа зем­ја не мо­же ни да се из­бе­га.
И доб­ро е што МВР не да­ва па­со­ши. Ка­ко трг­на­ла ра­бо­та­ва, и ова мал­ку Ма­ке­дон­ци што ос­та­наа, ќе се раз­бе­га­ат. Ќе ос­та­нат са­мо вој­ни­ци­те на НАТО и бе­гал­ци­те од Ко­со­во.
Та­ка ќе се ос­тва­ри прог­но­за­та на оној “во­е­но­по­ли­тич­ки ко­мен­та­тор” од Ср­би­ја кој му го зап­ре зди­вот на Ла­тас на ТВ Си­тел, пла­шеј­ќи нé со вој­на и  со по­дел­ба на Ма­ке­до­ни­ја. Би­деј­ќи ова е де­мок­рат­ска др­жа­ва во ко­ја нор­мал­но има и Со­вет за ра­ди­о­ди­фу­зи­ја кој вни­ма­ва што сé се еми­ту­ва низ ма­ке­дон­ски­от етер, со­се­ма е нор­мал­но на ма­ке­дон­ски­от гра­ѓа­нин да му се сер­ви­ра неп­ри­ја­тел­ска про­па­ган­да. Си­гур­но и во вре­ме­то на Сту­де­на­та вој­на мо­же­ло да се слу­чи во САД на не­ко­ја при­ват­на те­ле­ви­зи­ја да дој­де гос­тин од стран­ство и да ги про­па­ги­ра со­вет­ски­те идеи, и ни­кој да не ре­а­ги­ра.
Без пот­ре­ба лу­ѓе­то пра­шу­ва­ат да­ли во оваа др­жа­ва има др­жав­ни ор­га­ни? Има, ама не­ма­ат вре­ме да гле­да­ат те­ле­ви­зи­ја. За­фа­те­ни се со про­ме­ни­те. На ра­бот­ни­те мес­та.

6. Ми­на­та­та го­ди­на ова вре­ме Ци­ле ја фор­ми­ра­ше ДА и нај­а­ви ма­ке­дон­ска про­лет. На го­диш­ни­на­та од ма­ке­дон­ска­та про­лет вр­не снег и при­лич­но е сту­де­но. Не зна­е­ме са­мо да­ли вр­не за да има­ме бе­ри­ќет­на го­ди­на, или вр­не заш­то и Гос­под пла­че за нас.