На социјалните мрежи се појавува дезинформација за достава на поштенски пратки и износ кој корисникот треба да го плати за да ја подигне својата пратка, соопштија од АД „Пошта на Северна Македонија”, оградувајќи се овие објави. Кога ќе се кликне на линкот се отвара прозорче во кое треба да се остават податоци од кредитна картичка.

Порака со ваква содржина им е стигната на електронска пошта на многу граѓани.

“АД ‘Пошта на Северна Македонија’ не стои зад овие објави, а секое неовластено претставување во име на ‘Пошта на Северна Македонија’ претставува класична злоупотреба и е предмет за кривична и друга законска одговорност. Сите вакви случаи кои стигнуваат до нас веднаш се документираат и се пријавуваат до МВР на понатамошно постапување”, велат од Пошта.

Оттаму потсетуваат дека единствено и официјално известување за достава на вашите пратки го вршат нивните пошторазнесувачи.