Во Кавадарци повторно е во функција апаратот за мерење на присуството на суспендирани честички со големина од десет микрометри во воздухот кој неколку дена не работеше, а за чиј застој реагираа од еколошкото друштво “Еко-живот” од Кавадарци.
„Апаратот е поправен, сервисиран и калибриран“, рекоа денеска сервисерите кои работеа на лице место, во мерната станица во Кавадарци.
Од нив дознавме дека сервисиран и калибриран е и апаратот за мерење на присуството на јаглероден моноксид во водзухот.
„Мора да се напомене дека е потребна стабилизација на инструментите и веќе од утре може да се следат вредностите кои ги покажувааат овие апарати“, нагласија стручните лица од Министерството за животна средина и просторно планирање.
Веќе подолго време Кавадарци важи за еден од најзагадените градови во државата, особено во овој период од годината.