Најмалку шест луѓе загинаа откако се урна дел од глечер на италијанските Алпи како последица на високите температури.

„Во тек е спасувачката операција откако се случи голема ледена лавина, која погоди луѓе кои биле на планинарење“, соопшти регионалната влада на Тренто, додавајќи дека ќе има многу мртви и повредени.

Лавината се случи на Мармолада, над 3.300 метри висока планина во планинскиот венец Доломити во источниот дел на италијанските Алпи. Се верува дека во тој момент имало 18 планинари во таа област.

„Повредените се превезени во болници во четири града. Жешкиот бран што ја погоди Италија донесе температури од десет Целзиусови степени на Мармолада“, кажа претседателот на регионот Венето, Лука Ѕаја.