Русија ќе посвети посебно внимание на изградбата на инфраструктурата за своите нуклеарни сили во 2023 година, изјави министерот за одбрана Сергеј Шојгу. Тој додаде дека Русија ќе ја унапредува и борбената способност на своите ракетни сили и дека ќе се изградат нови објекти за сместување на новите ракетни системи.

Русија ги има најголемите залихи на нуклеарното оружје на светот, со околу 6.000 боеви глави.

Претседателот Владимир Путин претходно кажа дека сите анектирани територии во Украина се ставени под заштита на Русија, предупредувајќи дека ќе го брани територијалниот интегритет со сите расположливи сили, вклучувајќи го и нуклеарното оружје.

Русија неодамна се повлече од планираните разговори со САД во Каиро, на кои требаше да се дискутира за ограничувањето на бројот на боеви глави.