Дизајнерката и архитектка од Њујорк Нина Евардс Анкер користи алги за изработка на предмети за внатрешно уредување, како лустери и украси. Идејата ја добила додека работела на докторската дисертација за материјали и осветлување на Школата за архитектура и дизајн во Осло.

Ламби од исушени алги. (Фото: АП)

Сега, дизајнирала колекција со предмети како светилки и лустери насловена „Хлорофита“. Таа е една од многуте дизајнери која размислува надвор од кругот на традиционалните материјали, наоѓајќи начини да го спои дизајнот со одржливи извори.

„За осветлувањето, ние размислуваме за црвени/портокалови алги, пердуви од одржливи извори, лушпи од ракови и смачкани морски школки, како и гума направена од остатоци од пченка“, вели таа. „За мебелот користиме органски материјали како грав, леќата и хељда за тапациран мебел, како и природна плута и бамбус“, вели Анкер.

Четири ролни ткаенина во различни бои, веганска алтернатива на кожата направена од бодликав крушковиден кактус. Зрелите лисја на растението се берат на секои 6-8 месеци без да се оштети растението. (Фото: АП)

Направени се огромни чекори во претворањето на рециклирани пластични шишиња и растителни влакна во материјали што можат да се користат во уредувањето на ентериерот и во модната индустрија, кои се обидуваат да се справат со негативните влијанија врз животната средина од производството на памук, загадувањето со пластика и друго.

Лист од кактус на ткаенина која  е веганска алтернатива на кожа, направена од бодликав крушковиден кактус. Зрелите лисја на растението се берат на секои 6-8 месеци без да се оштети растението. (Фото: АП)

Дизајн на кујнска позадина од Ени Хол, направена со мешавина од мандарина и лушпи сино јајце од птицата црвеногушка, со калено стакло. (Фото: АП)