Јаков Милатовиќ има убедлива предност во однос на Мило Ѓукановиќ по денешниот втор круг од претседателските избори во Црна Гора, покажуваат првичните резултати.

Според податоците на Центарот за мониторинг и истражување, 37-годишниот Милатовиќ освоил 60,3% гласови, додека за актуелниот претседател гласале 39,7% избирачи. Излезноста во вториот круг била над 70%.

По првиот круг пред две недели, Ѓукановиќ имаше предност од околу 6% во однос на Милатовиќ, на кого поддршка му ветија Андрија Мандиќ и Алекса Бечиќ, кои тогаш вкупно освоија 30% гласови.