Русија лансираше исклучително силен воздушен напад на Киев во раните утрински часови, при што биле користени дронови и крстосувачки и балистички проектили, изјавија градските власти, што е веќе осми напад на градот овој месец.

„Нападот беше исклучителен по својата густина, со најголем број проектили за така кратко време досега. Според првичните информации, најголем дел од непријателските мети во воздушниот простор беа детектирани и уништени“, изјави шефот на воената управа на Киев, Серхиј Попко.

Заповедникот на украинската војска Валери Залужни изјави дека Русија испукала 18 проектили од северот, југот и истокот и дека сите биле соборени. Градоначалникот Витали Кличко изјави дека некои остатоци од соборените проектили паднале во централните области на градот, вклучувајќи ја зоолошката градина.

По неколку недели пауза, Русија кон крајот на април ги обнови нападите со проектили со долг дострел, но противвоздушната одбрана во најголем дел беше успешна во дејствувањето.

Утринскиот напад уследи ден по посетата на Зеленски на Велика Британија, каде што, исто како и во Франција и Германија претходно, договори нова воена помош за Украина.