Жителите на селото Милино ги блокираа локалните патишта кои водат кон Лозово и Каратманово. Тие денеска ќе бидат таму до 19 часот. Причината за незадоволството е лошиот пат, кој бил уништен од тешките возила кои таму сообраќаат.

„По овој локален пат минуваат шлепери од по 50 тони. Транспортираат жито, а дозволена носивост е седум тони. Ова се случува откако започна жетвата. Патот се уништи за кратко време, а тој ни е излез кон светот. И ние имаме жито за продавање, но не можеме да си дозволиме поради него да немаме пат. Знаеме каква е постапката и колку време ќе мине додека ни го поправат“, велат жителите на Милино, лоцирано во Општина Лозово.

Тие најавуваат дека ќе продолжат со блокадата на патот, а со тоа ќе биде сопрен и транспортот на ожнеаното жито од овој дел на Овчеполието.

П. ПЕЧКОВ