Екстремно ниските температури замрзнаа делови од реката Драгор во Битола. Денеска Битола беше прв град по најниски измерени температури во земјава, единствено во Маврово беше постудено со минус 21 степени целзиусови.
Во Битола утрово беа измерени 20 степени под нулата, а и денеска се очекуваат слични температури. Ниските температури ја замрзнаа и водата од градската чешма.
Во голем дел куќи испукаа водоводни цевки. Наедно има и рекордна потрошувачка на вода зашто се пуштаат чешмите да течат цел ден и ноќ за да не замрзнат.
Ж. Здравковска
