Аеродромот ЕуроАирпорт близу Базел беше евакуиран попладнево поради закана за бомба. Поради евакуацијата на аеродромот, попладневниот лет на Визер за Скопје бил откажан. Откажани се сите попладневни и вечерни летови.

Аеродромот се вика ЕуроАирпорт Базел-Милуз-Фрајбург, бидејќи е на тромеѓето на Франција, Швајцарија и Германија и е популарна дестинација за многу македонски патници поради бројната дијаспора која гравитира кон тој регион.

Аеродромот е на француска територија и е еден 14-те аеродроми во Франција кои денеска примија закани за бомба и беа евакуирани.

Истото се случи и во средата, кога речиси сите поголеми француски аеродроми беа евакуирани.