Дел од паркингот на булеварот Теодосиј Гологанов во скопски Капиштец денеска е заграден со дрвени тараби. Со паркингот стопанисува ЈП „Градски паркинг”. Јавниот простор е заграден од кафулето „Интермецо” за потребите на вечерашната журка со турскиот диџеј Махмуд Орхан.
За журката во „Интермецо” за гостите има два влеза. Еден е од паркингот, односно делот кој сега е заграден, а другиот е од улицата Народен фронт, која секоја вечер кога има журки е закрчена со коли.
Во Град Скопје нема кој да се праша за да одговори кој одлучил и за колку пари е изнајмен паркингот за приватната журка.
Жителите на Капиштец постојано се жалат на бучавата од кафулето „Интермецо“. Тоа неколку пати беше казнувано и времено затвирано од разни инспекции.
- ЌЕ ВЕ ИЗБРКАМЕ НА КЛОЦИ АКО ВО ИЗБОРНИТЕ ПРОГРАМИ НЕ ВЕТИТЕ ДЕКА ЌЕ СТАВИТЕ РЕД СО МУЗИКАТА ШТО ЕЧИ ОД „ИНТЕРМЕЦО“, ВЕЛАТ ЖИТЕЛИТЕ НА КАПИШТЕЦ ВО СКОПЈЕ
- „МОШ“ И „ИНТЕРМЕЦО“ ПОВТОРНО КАЗНЕТИ ЗА ГЛАСНА МУЗИКА СО ПО 13.000 ЕВРА, АКО ПЛАТАТ ЗА ОСУМ ДЕНА КАЗНАТА ЌЕ ИМ БИДЕ 6.500 ЕВРА
Во предизборието оваа пролет жителите од општина Центар бара политичките партии овој проблем да го стават во своите изборни програми.
А. АНТЕВСКА
