Тинејџерска уметница која веќе продаде дела за 27.000 евра штотуку помина уште една пресвртница – нејзината прва лекција по сликарство. 17-годишната Макензи Берд предизвика внимание во 2020 кога портретот на нејзината сосетка што таа го наслика стана вирален на социјалните мрежи. Сликата беше изложена и во Кралската академија на уметностите, престижна лондонска галерија.

Берд рече дека научила „некои доста важни навики“ од лекцијата и дека е решена да продолжи да ги усовршува своите дела.

Берд првпат почна да слика платна за време на ковид изолацијата во март 2020, кога имаше само 14 години. (Фото: М. Берд)

„Научив малку повеќе за импресионизмот – за да не обидувам цело време да сликам сè толку реално цело време, што ми е тешко“, рече таа. „Досега, сама научив сè – само то што ми личи добро, што ми е полесно, гледање видеа на Јутјуб и слични работи. Дојдов до точка каде што се чувствував како повеќе да не се подобрувам. Па, отидов на овој курс и да бидам искрена, ми беше многу тешко. Сè уште имав слобода и можев да правам што сакам, но имаше некои работи што ми беа кажани… има еден вид правилен и погрешен начин да се прават работите, или барем така да си олесните понатаму“.

Берд првпат почна да слика платна за време на ковид изолацијата во март 2020, користејќи ги старите бои на нејзината мајка во удобната шупата со кров што протекува во градината. На само 14-годишна возраст, таа ја започна својата кариера како уметничка, а нејзините дела сега се продаваат на обожавателите ширум светот. Уметнички ентузијасти од Блискиот Исток, САД и Велика Британија изразија интерес за нејзината работа.

Нејзината неодамнешна изложба во галеријата Блеквотер во Кардиф имаше десет оригинални уметнички дела, како и колекција од шест графики. Оригиналите привлекоа купувачи кои платија до 27.000 евра за нејзино дело.