Доналд Трамп препорача царина од 50 отсто за сите стоки од Европската Унија што се увезуваат во САД.

„Нашите разговори со нив не одат никаде“, рече тој во објава на социјалните мрежи и додаде дека новите давачки стапуваат во сила на 1 јуни.

Најавата означува ескалација на трговската војна на Трамп со ЕУ. Тој првично предложи царина од 20 отсто за повеќето стоки од ЕУ, па ја преполови на 10 отсто до 8 јули, за да има време за разговори.

Трамп, исто така, се закани дека ќе воведе царина од 25 отсто за „ајфони“ кои не се произведени во Америка.

Откако се врати во Белата куќа, Трамп наметна и се закани со различни царини на земјите ширум светот, што тој ги гледа како начин за зајакнување на американското производство и заштита на работните места од странска конкуренција.

„Европската Унија се покажа многу тешка за склучување договор. Затоа на 1 јуни ѝ воведуваме царини од 50%“, кажа Трамп.