Британската влада планира нов закон со кој ќе им се забрани на помладите од 16 години во Англија да купуваат енергетски пијалаци во продавници, ресторани, кафулиња, автомати и преку интернет.

Се смета дека една третина од децата во Велика Британија консумираат вакви пијалаци секоја недела, и покрај тоа што повеќето супермаркети веќе воведоа доброволна забрана. Некои популарни пијалаци содржат повеќе кофеин од две шолји кафе. Прекумерната консумација е поврзана со главоболки и проблеми со спиењето.

Министерот за здравство и социјална грижа Вес Стритинг изјави дека владата била повикана да дејствува од родители, наставници и деца.

„Можете да го видите влијанието врз здравјето, концентрацијата и учењето и затоа дејствуваме“, изјави Стритинг.

Премногу кофеин може да предизвика забрзан срцев ритам, абнормален срцев ритам и напади. Иако ретки, имало и смртни случаи поврзани со вишок кофеин.

Иако засега не се знае кога точно ќе почне забраната, Стритинг рече дека таа ќе стапи на сила многу порано пред истекот на мандатот на сегашниот парламент.