Домашните миленици можат да бидат класифицирани во авионите како багаж, објави Европскиот суд на правдата, што значи дека авиокомпаниите нема да плаќаат повисоки компензации ако животните бидат изгубени.

Од највисокиот европски суд било побарано да интервенира откако едно куче се изгубило на лет од Буенос Аирес до Барселона, поради што неговата сопственичка поднела барање за отштета.

Во судот било кажано дека патничката и нејзината мајка патувале со кучето Мона, кое било ставено во посебен кафез за миленици. Сепак, кучето избегало додека го носеле во авионот и никогаш не било пронајдено, што довело до барање за отштета од 5.000 евра и шестгодишна судска постапка. Авиокомпанијата „Иберија“ ја прифатила одговорноста за загубата на миленичето, но не и износот на отштетата.

Судот изјави дека патничката и нејзината мајка не дале посебни изјави за багажот при неговото пријавување и затоа не можеле да поднесат барање за надомест на штета.

Домашни миленици не се гледаат често на европските летови, но се почести на прекуатлантските летови. Малите кучиња се дозволени во кабината, но поголемите мора да бидат сместени во багажникот од страна на авиокомпаниите.