Основното јавно обвинителство Куманово донесе Наредба за спроведување истражна постапка против две лица кои претепале сопственик на кафеана кој нејќел да им отвори по 1 часот по полноќ, за да продолжат да пијат.

Заеднички извршиле кривично дело – Насилство од член 386 став 6 во врска со став 3 и став 1 од Кривичниот законик, а насилство секогаш се бара притвор.

„На 18 јануари, по 1 часот по полноќ, осомничените агресивно и насилнички се обиделе да влезат во гостилница која веќе била затворена, со намера и по крајот на работното време таму да консумираат алкохол. Сопственикот не им дозволил, по што тие продолжиле со особено агресивни дејствија во дворот на угостителскиот објект, па физички го нападнале сопственикот и му задале повеќе удари по главата и телото. Го собориле на земја и му нанеле тешки телесни повреди – скршеница на десната рака и повреда на увото. Со ваквите насилнички дејствија осомничените предизвикале чувство на несигурност и страв кај уште неколку лица кои во моментот се затекнале во близина на објектот“, кажа Обвинителството.

Основниот суд Куманово го прифатил предлогот на јавниот обвинител и на насилниците им определил притвор во траење од по 30 дена.