Најискусниот македонски олимпиец Ставре Јада заврши на 89. место во квалификациите на спринт трката на Зимските олимписки игри во Милано и Кортина. Јада постигна време од три минути, 59 секунди и 56 стотинки на патеката долга 1,6 километри, заостанувајќи 52,19 секунди зад лидерот Јоханес Хестфлот Клаебо од Норвешка.

За оваа трка беа пријавени 95 учесници.

Јада, за кого ова е трета олимпијада, на 13 февруари ќе настапи на трката на 10 километри, а ден порано на истата делница настапува Ана Цветановска.