Петнаесет американски борбени авиони ги напуштија воените бази Рота и Морон во јужна Шпанија откако почнаа американско-израелските напади на Иран во саботата. Ова следува откако шпанскиот министер за надворешни работи Хосе Мануел Албарес изјави дека Шпанија нема да дозволи нејзините бази да се користат за напади врз Иран, што Мадрид ги осуди.

САД и Шпанија заеднички управуваат со двете бази, но тие остануваат под шпански суверенитет.

Сајтот „Флајтрадар24“ покажа дека најмалку седум авиони се преместиле во воздухопловната база Рамштајн во Германија. Уште два авиона заминале кон Франција.

Ставот на Шпанија и емпатичната осуда на американско-израелските акции во Иран од страна на социјалистичкиот премиер Педро Санчез би можеле дополнително да ги затегнат односите помеѓу Мадрид и Вашингтон.

„Шпанските бази не се користат за оваа операција и нема да се користат за ништо што не е вклучено во договорот со САД или за нешто што не е во согласност со Повелбата на Обединетите нации“, рече Албарес.

Велика Британија, исто така, првично одби да ги отстапи нејзините бази за напади врз Иран, но премиерот Кир Стармер вчера го одобри нивно користење за „колективна самоодбрана“.