Идниот унгарски премиер Петер Маѓар кажа дека е оди во Брисел на 29 април на неформални разговори со Урсула фон дер Лајен за одблокирање на средствата што ЕУ ги замрзна поради споровите со Виктор Орбан.

„Нема време за губење“, рече Маѓар, чија убедлива победа на изборите на 12 април стави крај на 16-годишното владеење на Фидес на Орбан.

Маѓар претходно наведе четири клучни области во кои неговиот кабинет би можел брзо да дејствува за да избегне губење на околу 10 милијарди евра од средствата на ЕУ за закрепнување од пандемијата, чиј краен рок е крајот на август, вклучувајќи мерки за борба против корупцијата и враќање на медиумските и академските слободи. По изборите, тој изјави дека се надева на политички договор за време на неговата прва посета на Брисел.

Орбан честопати се судираше со ЕУ околу владеењето на правото и човековите права, што резултираше со замрзнување на милијарди евра од европските фондови. Тиса освои двотретинско мнозинство на изборите, што ѝ дава можност да направи промени во спорните закони за судство, јавни тендери и контрола на медиумите.

Унгарската економија стагнираше во последните четири години.