Голема деловна делегација, предводена од шефовите на американската технолошка индустрија, го придружува Доналд Трамп на неговото патување во Кина. Меѓу оние кои заминаа за Кина се Илон Маск од „Тесла“ и „СпејсЕкс“, Тим Кук од „Епл“, Џенсен Хванг од „Енвидија“, како и извршните директори на „Мета“, „Виза“, „Боинг“, „Мастеркард“, „Џеј-Пи Морган“ и други.

Ова патување е важно за САД, бидејќи Доналд Трамп ќе се сретне со Шји Џинпинг во време на засилени економски и технолошки тензии помеѓу двете земји. Вклучувањето на Хванг во групата во последен момент е особено значајно, зашто напредните чипови на „Енвидија“ се главен фокус во ривалството помеѓу двете земји.

Во делегацијата е и Санџај Меротра, извршниот директор на „Микрон“. Кина забрани некои чипови на „Микрон“ во 2023 од безбедносни причини, што негативно се одрази врз работењето на компанијата во земјата.

Чиповите остануваат клучни за економските односи помеѓу САД и Кина, и покрај тензиите околу технологијата и контролата на извозот.

Ова е прва посета на американски претседател на Кина по речиси една деценија и претставува клучен тест за кревкото примирје во трговската војна, во која двете земји неколкупати ги зголемуваа царините. Тие беа паузирани во октомври 2025, кога Трамп се сретна со Шји во Јужна Кореја.

Се очекува теми на разговорите да бидат и Иран, Тајван и критичните минерали.