Украински дронови ја погодија рафинеријата во Омск, најголема во Русија и лоцирана длабоко во Сибир, што е еден од најоддалечените украински напади од почетокот на војната. Локалните руски власти го потврдија нападот.

Генералштабот на украинската војска соопшти дека нападот предизвикал пожар во рафинеријата на „Газпром“, која се наоѓа околу 2.500 километри од територијата под контрола на Украина и во близина на границата на Русија со Казахстан.

Витали Хоценко, гувернерот на регионот Омск, изјави дека Украина ја нападнала рафинеријата и дека противвоздушната одбрана уништила поголем дел од дроновите вклучени во нападот. Тој додаде дека нема жртви. Ова е прв напад врз Омск од почетокот на руската инвазија во Украина.

Украина ги засили нападите врз руските рафинерии, предизвикувајќи недостиг на гориво низ земјата.