Голем пожар изби вечерва кај Бејбунар во Охрид, кај шумата на 100 метри од бараките во населбата Гоце Делчев.

„Пријава за пожар кај магацините на Улица 1-ва Македонска ударна бригада, 33, Охрид , пожарот се шири на кај куќите. Известена е Територијалната ротивпожарна единица Охрид“, соопшти Центарот за управување со кризи (ЦУК).

На терен интервенираа четири противпожарни возила, а благодарение на брзата реакција на противпожарните екипи пожарот е успешно локализиран по три часа.

Полициски екипи вршат увид за утврдување на причините и околностите под кои избувнал пожарот.

Надлежните најавија дека повеќе детали и официјални информации за пожарот ќе бидат соопштени утре.

С. ВРЕНЦОВСКА