Eксминистерот за локална самоуправа Златко Перински е именуван за в. д. директор на Фондот за здравствено осигурување (ФЗО), на предлог на министерот за здравство Сашо Клековски, соопшти Владата по денешната седница.

Перински е магистер по менаџмент на човечки ресурси. Изминативе две години беше министер за локална самоуправа, а претходно беше и генерален директор на скопското јавно претпријатие „Водовод и канализација“, како и управител на Спортскиот центар „Борис Трајковски“ во Скопје.

Перински доаѓа на местото на Клековски, кој од минатата недела со реконструкцијата на Владата е нов министер за здравство.