Северна Кореја и Русија го отворија својот прв патен мост со внимателно кореографирана претстава на пријателство. Структурата се протега над реката Тумен и двете страни ја сметаат за важна пресвртница во продлабочувањето на нивното стратешко партнерство.

Преку мостот долг еден километар поминаа камиони украсени со знамиња, додека рускиот премиер Михаил Мишустин и премиерот на Северна Кореја, Пак Тае Сонг, се обратија преку преку видеоврска.

„Изградбата на мостот не е само инженерски проект, туку нов симбол на пријателството“, рече Мишустин.

Изградбата на новиот мост започна во април минатата година, откако проектот беше договорен за време на посетата на Владимир Путин на Северна Кореја во 2024. Веќе постојат директни воздушни и железнички линии меѓу Москва и Пјонгјанг, но до денеска немаше вистинска патна врска. Наместо тоа, од 1959 година, на блискиот железнички мост беа поставени штици за движење на возила преку границата.

Засега преку мостот можат да минуваат само камиони, а до крајот на годината треба да биде отворен за сите возила.