Започна гласањето на тридневните парламентарни избори во Русија, кои претседателот Владимир Путин ги окарактеризираше како барометар за поддршката на војната против Украина.

Ова се првите парламентарни избори откако Русија ја започна целосната инвазија врз Украина во февруари 2022, а гласањето, кое ќе го одреди составот на Долниот дом на парламентот, Државната Дума, се очекува да ја потврди доминација на владејачката  партија Единствена Русија во строго контролираниот руски политички систем.

На опозицијата ѝ е забрането да учествува, а повеќето антивоени кандидати беа исклучени од гласачкото ливче откако Врховниот суд пресуди дека либералната партија Јаблоко ги прекршила изборните правила.

Во телевизиско обраќање до нацијата пред изборите, Путин рече дека гласањето ќе помогне да се обезбеди победата на Русија во Украина и да се демонстрира национална решителност наспроти надворешниот притисок. Кремљ вели дека националното единство е од витално значење поради сè поопасните напори на украинските разузнавачки служби и други непријатели да предизвикаат немири во Русија.

Гласањето се одржува во време кога анкетите на јавното мислење покажуваат дека некои Руси станале позагрижени за тоа како конфликтот влијае врз нив. Економијата е под притисок, а некои делови од земјата се соочуваат со недостиг на гориво предизвикан од украинските напади со беспилотни летала.

Изборите првпат ќе се одржат и во окупираните делови на украинските региони Луганск, Доњецк, Запорожје и Херсон.