Разрешен е директорот на Националната галерија на Македонија (НГМ) Али Синани поради незаконско и неправилно работење, вели Министерството за култура и туризам. За в. д. директорка е назначена Нарона Весели од редот на вработените.
„Али Синани е разрешен врз основа на извршен вонреден инспекциски надзор од овластен инспектор за култура, каде се констатирани повеќе незаконитости и неправилно работење, како и поради нереализација на дел од годишната програма за работа на националната установа за 2026 година“, велат од Министерството за САКАМДАКАЖАМ.МК.
- УМЕТНИКОТ АЛИ СИНАНИ Е НОВ ДИРЕКТОР НА НАЦИОНАЛНАТА ГАЛЕРИЈА НА МАКЕДОНИЈА
- СИНАНИ НЕМА НИКАКВО ПРОФЕСИОНАЛНО ИСКУСТВО ВО МУЗЕЈСКАТА ДЕЈНОСТ, РЕАГИРААТ ВРАБОТЕНИ ВО НАЦИОНАЛНАТА ГАЛЕРИЈА И БАРААТ ПОНИШТУВАЊЕ НА ОДЛУКАТА ЗА НОВИОТ ДИРЕКТОР
Синани беше назначен за нов директор лани во јули, во мандатот на тогашниот министер за култура Зоран Љутков. Синани е роден во 1977 во Гостивар, а изминативе 25 години живее и работи во Швајцарија. Откако беше назначен Синани, вработени во Националната галерија побараа од Министерството за култура итно да ја поништи одлуката. Тие реагираа дека не се согласуваат со одлуката за именување директор на институцијата бидејќи тој нема никакво професионално искуство во музејкста дејност и јавно бараа преиспитување и итно поништување на одлуката.
Б. НЕСТОРОСКА
