Автомобил веројатно ја пробил оградата и навлегол во кругот на аеродромот во Лајпциг, во источна Германија, изјави денеска портпарол на полицијата. Оштетениот дел се наоѓа во близина на паркирани руски товарни авиони од типот „Антонов“, рече тој.

Оштетувањето предизвика полициска операција во текот на ноќта. Полицијата соопшти дека теренот бил пребаран, но засега не се пронајдени неовластени лица во кругот на аеродромот. Врз основа на досегашната истрага, полицијата претпоставува „со голема веројатност дека возило ја пробило оградата“.

Воздушниот сообраќај се одвива непречено и покрај полициската операција, изјави портпаролот на аеродромот. Тој рече дека немало ограничувања ниту за патничките, ниту за товарните летови. Иако северната писта е затворена, постоењето на втора писта значи дека во моментов нема никакви ограничувања за воздушниот сообраќај.