Колумбиската полиција заплени 7,6 тони кокаин во пристаништето во Картахена, соопшти претседателот Абелардо де ла Есприела, додавајќи дека пратката била наменета за Холандија.

„Националната полиција ја изврши најголемата заплена на кокаин во пристаништето Картахена во последните 10 години“, напиша тој на Икс.

Според Националната полиција на Колумбија, дрогата била скриена во нерафиниран шеќер од трска, а била откриена во операција координирана со американската Управа за сузбивање на дрога (ДЕА).

Де ла Есприела изјави дека во првите 75 дена од мандатот на неговата влада, безбедносните сили заплениле 132 тони кокаин, во вредност од околу 6,1 милијарда долари.