Во текот на работниот век имаме различни финансиски приоритети. Во еден период тоа може да биде сопствен дом, во друг семејството, образованието на децата, сопствен бизнис или некоја друга поголема животна цел.

Но покрај плановите кои се непосредно пред нас, постојат и оние што се многу подалеку на хоризонтот.

Доброволното пензиско штедење овозможува токму таков долгорочен пристап. Преку КБ Прв отворен доброволен пензиски фонд, членовите имаат можност дополнително да издвојуваат средства согласно сопствените финансиски можности и на тој начин постепено да создаваат дополнителна пензиска заштеда.

Станува збор за средства кои се акумулираат во текот на годините и се инвестираат, со што доброволното пензиско штедење добива поинаква улога од класичното краткорочно штедење. Неговата цел е долгорочна – создавање дополнителен извор на средства за периодот по завршувањето на работниот век.

Не е важен само износот, важно е и времето

Кога зборуваме за долгорочно штедење, често првото прашање е: „Колку треба да издвојувам?“

Но подеднакво важно прашање е: „Колку време ќе штедам?“

Не мора секој да започне со ист износ, ниту пак финансиските можности остануваат исти во текот на целиот живот. Она што е реално на почетокот на кариерата може значително да се разликува од можностите десет или дваесет години подоцна.

Токму затоа доброволното пензиско штедење треба да се гледа како процес, а не како една голема финансиска одлука. Издвојувањето средства согласно сопствените можности, во подолг временски период, овозможува постепено да се создава дополнителна пензиска заштеда.

Почетокот не мора да биде голем за да биде важен. Кај долгорочните финансиски одлуки, времето може да биде еден од најзначајните фактори.

Животниот стандард по завршувањето на кариерата

Прашањето за пензијата не е само прашање за месечен приход. Тоа е и прашање за животниот стандард што сакаме да го имаме во годините кога редовната плата повеќе нема да биде дел од секојдневието.

Какви ќе бидат нашите потреби тогаш? Кои трошоци ќе ги имаме? Што ќе сакаме да правиме со времето што ни стои на располагање?

Одговорите се различни за секој човек. Токму затоа и личното финансиско планирање не може да изгледа исто за сите.

Дополнителната пензиска заштеда може да биде уште еден извор на средства покрај пензиските примања што произлегуваат од задолжителното пензиско осигурување. На тој начин, доброволното пензиско штедење не треба да се гледа како замена за постојниот систем, туку како можност секој поединец дополнително да придонесува кон сопствената финансиска позиција во иднина.

Од „понатаму“ до конкретен план

Иднината често ја оставаме за „понатаму“.

Понатаму ќе започнам да штедам. Понатаму ќе размислувам за пензијата. Понатаму ќе проверам кои можности ги имам.

Но долгорочните планови имаат една специфичност – колку порано станат дел од нашите финансиски навики, толку повеќе време имаме пред себе.

Затоа во КБ Прво пензиско друштво настојуваме доброволното пензиско штедење да го доближиме до членовите не како тема резервирана за годините непосредно пред пензионирањето, туку како дел од пошироката култура на финансиско планирање.

Преку КБ Прв отворен доброволен пензиски фонд, секој член може да гради дополнителна пензиска заштеда во согласност со сопствените можности и планови. А со достапните дигитални услуги и пензискиот калкулатор на КБ Прво, заинтересираните можат полесно да се информираат и да разгледуваат различни сценарија за долгорочно штедење.

Една пензија не мора да значи и само еден извор на средства. Дополнителната пензиска заштеда е можност уште во текот на работниот век да започнеме да создаваме дополнителна финансиска основа за годините што доаѓаат.

КБ Прво пензиско друштво – Иднината, денес!

Супервизор на капитално финансирано пензиско осигурување е Агенцијата за супервизија на капитално финансирано пензиско осигурување (МАПАС) www.mapas.mk тел. 02/ 32 24 229

*Комерцијална објава