Со палење шест свеќи во Меморијалниот центар на холокаустот на Евреите од Македонија и изложба беше одбележан Јом Ашоа – Национален комеморативен ден на холокаустот. Овој ден се одбележува во чест на еврејската борба за човеково достинство.

Беше отворена и изложбата „Холокаустот низ призмата на детските очи“, на која беа прикажани ликовни творби на децата од основните училишта во земјава. (Фото: Ѓ. Личовски)

Шест милиони Евреи се убиени во нацистистичките логори на смртта. Седум илјади и двесте македонски Евреи  на 11 март 1943 година  од скопскиот монопол беа однесени во логорот Треблинка.

Комеморацијата ја организираа Еврејската заедница во Македонија и Фондот на холокаустот на Евреите од Македонија.