Група демонстранти попладнево ја нападнаа канцеларијата на Претседателот на државата во центарот на Скопје, јавуваат репортерите на СДК.МК. Гневни поради тоа што Ѓорге Иванов прогласи аболиција на осомничените политичари од прислушуваните разговори тие попладнево фрлаа со јајца врз Канцеларијата за односи со граѓаните.

Протестите се во тек. Во моментов дел од демонстрантите гаѓаат и со камења.

Пред тоа лидерот на СДСМ повика на масовни протести и актот на претседателот Иванов го прогласи за државен удар, но тој не се појави на протестот. Демонстрантите се организираа на социјалните мрежи.