Полицијата треба да гарантира една безбедна средина за сите граѓани, а на државната и јавната безбедност им е потребен професионализам, рече министерот за внатрешни работи Агим Нухиу на денешното одбележување на Денот на полицијата 7 мај.

„Крупните реформи во полицијата ќе мора да продолжат да бележиме напредок и просперитет, притоа тоа негувајќи ги вредностите и стандардите на една професионална, достоинствена и почитувана полиција“, рече Нухиу.

Министерот за внатрешни работи Нухиу и директорот на Бирото за јавна безбедност Митко Чавков во чест на загинатите припадници на МВР положија цвеќе пред спомениците во кругот на министерството за внатрешни работи. Цвеќе положија и високи функционери на МВР, како и семејствата на загинатите припадници на МВР.