Директорот на Центарот за комуникации на ВМРО-ДПМНЕ Иво Котевски излезе од Специјалното јавно обвинителство, со кое, како што рече, се договориле да дојде друг ден да изврши увид во доказите за случајот „Талир”, каде првообвинет е лидерот на партијата Никола Груевски.
Тој во изјава за медиумите рече не знае за што е осомничен, бидејќи уште не ги видел доказите против него, ако и воопшто, како што вели, постојат.

И тој како и осомничениот Миле Јанакиески, кој беше за истиот случај во ова обвинителстбо во петокот, рече дека СЈО е партиска испостава на СДСМ.
„Зоран Заев даде многу ветувања пред граѓаните, тие чекаат да ги оствари и овој прогон против функционери на ВМРО-ДПМНЕ е само дефокусирање од очекувањата на граѓаните”, рече Котевски.

Во „Талир” се осомничени вкупно 14 лица за перење пари од донации за партијата во износ од 4,9 милиони евра и за злоупотреба на службената положба и овластувањата, за период од 1.01.2009 до 31.12.2015 година.