Утрово се запали Градежниот факултет на булеварот Партизански одреди во Скопје. Пожарот избил на третиот кат на факултетот.
Екипи од Противпожарната бригада се на терен и во моментов го гаснат пожарот. ЈП „Градски паркинг“ и ЈП „Паркинзи Општина Центар“ со своите пајак возила го расчистуваа паркингот кај факултетот за да можат да влезат возилата на Пожарната.
Пожарот избил на третиот кат на факултетот (Фото: Ѓ.Личовски)
Командирот Ѕвонко Томевски кусо ни изјави дека работат на локализирање на пожарот.
„Моментално сум на терен го гасиме пожарот. Извинете не можам да ви дадам подетални информации, ќе се чуеме подоцна“, изјави Томевски.
