Сашка Цветковска, новинарката од Истражувачката репортерска лабораторија, е добитник на годинашната награда „Сигнал за Европа“.

Станува збор за награда што ја доделува огранокот на меѓународната новинарска мрежа Репортери без граници во Виена, со поддршка на ОБСЕ. Во образложението се вели дека Цветковска ја доби наградата за посебни достигувања во сферата на критичкото и истражувачко новинарство.

Цветковска ја прими наградата на денешната свечена церемонија, што се одржа во Виена.