Лидерот на грчката опозиција Кирјакос Мицотакис поднесе интерпелација во грчкиот парламент за владата на Алексис Ципрас поради договорот за името. Според Мицотакис, станува збор за лош договор и прифаќањето на македонскиот јазик и македонската националност е неприфатлив национален пораз.

Претседателот на Нова Демократија вели дека државата добива географска одредница, но не и нејзиниот народ.

„Можете ли да ми кажете зошто луѓето да бидат нарекувани Македонци и да зборуваат македонски?“, го прашува Мицотакис премиерот Ципрас.

Мицотакис му забележува на Ципрас и дека се подготвува да потпише договор во Преспа во недела, без да потврди дека има парламентарно мнозинство и без едногласна поддршка од неговиот кабинет.

„Сè ова е без преседан. Обврзан сум да ги искористам сите можности предвидени со уставот да го спречам застранување на институциите и ставање на иднината на земјата под хипотека“, вели Мицотакис.