Александар Стојкоски од Прилеп триумфираше и на второто издание на маратонот Водно-Матка, што се трчаше вчера.

Стојкоски постигна време од 4:42:35 часа, стигнувајќи на целта повеќе од половина час побрзо од второпласираниот Аслан Елези од Косово (5:19:51). Како трет финишираше Виган Хоџа.

Во женска конкуренција најбрза беше Сања Најдовски со време од 6:42:26 часа, пред Бугарката Теодора Захариева (6:51:28) и Катерина Шиповиќ (7:27:12).

Од 108 учесници, 102 ја завршија трката во предвидениот рок од 11 часа.

На полумаратонската трка на 26 километри триумфираа Марјан Бонев (2:29:11) и Србинката Марија Ѓорѓевиќ (3:28:08).

На годинашниот „Водно-Матка трејл“ учествуваа околу 400 тркачи од 20 земји.