Центарот за управување со кризи соопшти дека Град Скопје утре во раните утрински часови ќе прска против комарци.

„Од Град Скопје известуваат дека утре во раните утрински часови ќе се изврши првата фаза од авионската дезинсекција на подрачјето на Град Скопје, против ларви од комарци. Доколку временските услови не го дозволат вршењето на дезинсекцијата, истата ќе се изврши првиот нареден ден, кога временските услови ќе бидат поволни, во истиот термин“, велат од ЦУК.

Лани прскањето против комарци почна со еден месец задоцнување односно наместо на почетокот на јуни со авионско прскање се почна на 3 јули. Тогаш од кабинетот на Шилегов рекоа дека имале индиции дека средството кое се користи е штетно, па затоа нарачале да се направи анализа и испитување.

Поради доцнењето во Скопје лани имаше масовна појава на комарци.

А. АНТЕВСКА