НЛБ Банка од денес започнува голема наградна игра „Еве зошто НЛБ Клик!“ за сите корисници на НЛБ мКлик мобилното и НЛБ Клик електронското банкарство, соопшти банката.

Во периодот од 17 јуни, па сè до 30 септември, сите нови и постојни корисници на НЛБ мКлик мобилното и НЛБ Клик електронското банкарство, кои ќе направат најмалку една трансакција, стануваат потенцијални добитници на мобилен телефон Самсунг С10 или блутут слушалки.

Извлекувањето на наградите ќе се врши секојдневно, почнувајќи од утре, па сè до 1 октомври, НЛБ Банка ќе доделува по две блутут слушалки дневно, додека телефонот Самсунг С10 ќе се доделува еднаш неделно.

„Ни претставува огромно задоволство да ја најавиме наградната игра ’Еве зошто НЛБ Клик!‘ која има за цел да ги награди и поттикне нашите корисници да го користат електронското банкарство, па затоа летово не двоумете се како ќе ги плаќате вашите сметки и воопшто како ќе ги извршувате своите банкарски трансакции. Нема сомнеж дека интернетот засекогаш ги промени нашите животи, а комфорот на електронското банкарство стана синоним за современиот начин на живеење. Затоа земете ги мобилните или таблетите во вашите раце и искористете ја слободата да ги извршувате сите банкарски трансакции на сигурен и едноставен начин, каде и да се наоѓате“, велат од НЛБ Банка.

Право на учество во наградната игра имаат сите полнолетни физички лица – државјани на Република Северна Македонија, кои во периодот од 17.06.2019 до 30.09.2019 година ќе направат најмалку една трансакција преку НЛБ мКлик мобилното банкарство или НЛБ Клик електронското банкарство. Под трансакција на НЛБ Клик електронското банкарство / НЛБ мКлик мобилното банкарство се подразбира секое плаќање, интерна трансакција, промена на лимит за подигање на готовина на банкомат, плаќање на продажно место – ПОС терминал и интернет, доспевање на рати на кредитни картички, надополнување на ваучер за мобилен телефон како и конверзија на валути.