88-годишен охриѓанец вчера почина од КОВИД-19, а во Охрид има 42 активни случаи, соопшти Центарот за јавно здравје. Во градот има 25 болни на домашно лекување и 9 хоспитализирани, а во Струга 22 пациенти се на домашно лекување и 4 хоспитализирани.
Екипи на Центарот за јавно здравје во периодот од 6 до 12 јуни зеле брисови од вкупно 175 лица, од кои во општина Охрид позитивни на КОВИД-19 се 34 лица, од Струга 26, а во Дебар 3.
„Материјали (брис од грло и нос) за тестирање на присуство на КОВИД-19 земени се од вкупно 175 лица и тоа по место на живеење: во општина Охрид и Дебрца 101 лице, во Струга и Вевчани 59, а во Дебар и Центар Жупа 15. Од вкупно земените материјали, 83 се земени по епидемиолошки индикации (лица кои исполнуваат критериуми за дефиниција на случај) и тоа Охрид и Дебрца 51, Струга и Вевчани 17, Дебар и Центар Жупа 15, а 92 материјали зе земени при скрининг тестирањето со упат од матичен лекар со Мој термин и тоа Охрид и Дебрца 50, Струга и Вевчани 42, Дебар и Центар Жупа 0. Активни случаи во Охрид се 42, во Струга 46, а во Дебар 5. Под здравствен надзор од 14 дена во Охрид се 158 лица, во Струга се 103 лица”, кажаа од Центарот за јавно здравје во Охрид.
Д. ЧУБРИЌ
