Во Делчево заврши изградбата на нова атмосферска канализација, финансирана од УСАИД и општината, со што е намален ризикот од потенцијални штети од поплави.

Мисијата на Американската државна агенција за меѓународна помош во проектот учествуваше со 58.930 долари, а Општина Делчево со 30.978 долари.

Од работните активности на новата атмосферска канализација во Делчево, финансирана од УСАИД и општината.

Изградбата на новата атмосферска канализација е дел од учеството на општината во Проектот на УСАИД за општински стратегии за климатски промени, спроведен од „Милиеуконтакт Македонија“.

„Во текот на изминатите четири години, работевме заедно со нашите партнери во Македонија на идентификување и ефективно управување со ризиците поврзани со промените на климата. Меѓу најопасните од овие ризици се оние поврзани со екстремни временски настани“, изјави директорот на мисијата на УСАИД, Џејмс Стајн.