Експропријацијата на објектите кои се на трасата после мостот „Михајло Апостолски“ го кочи пробивањето на булеварот од Аеродром кон Керамидница. Градоначалникот Орце Ѓорѓиевски вели дека дел од сопствениците на куќите не сакаат да ја прифатат цената која ја нуди Град Скопје, па ќе мора да се води судски спор.

„Повеќето позиции се решени со спогодба, каде што барањата на граѓаните биле разумни. Постои спор со едно семејство, кое бара двојно поголема сума од проценетата. Првото рочиште за овој случај е закажано за јуни. За овој случај, работите не зависат од нас. Давам сè од себе, сакам да го пробијам тој мост. Експропријацијата нема целосно да се заврши веднаш, затоа работиме на опција да се пробијат две ленти и додека не се заврши целата постапка, да се вози по нив како излез од мостот“, рече Ѓорѓиевски.

• ГОДИНАВА ЌЕ СЕ ВОЗИ ПО „МОСТОТ ЗА ЛОВЕЊЕ РИБА“ НА ДАНЕЛА ШТО ЌЕ ГИ ПОВРЗУВА АЕРОДРОМ И ГАЗИ БАБА, РЕЧЕ ЃОРЃИЕВСКИ

• АРСОВСКА ЗА МОСТОТ ВО АЕРОДРОМ РЕЧЕ ЌЕ ДЕКА БИДЕ ЗА ЛОВЕЊЕ РИБА, А СЕГА ВЕЛИ ЌЕ БИДЕ ГОТОВ ВО АПРИЛ, БУЛЕВАРОТ НИЗ КЕРАМИДНИЦА ДОГОДИНА
• МОСTОТ ВО АЕРОДРОМ ЌЕ БИДЕ ЗА ЛОВЕЊЕ РИБИ, ПОЧНАЛ ДА СЕ ГРАДИ БЕЗ ДА СЕ РЕШАТ ИМОТНО-ПРАВНИТЕ ОДНОСИ, РЕЧЕ АРСОВСКА

Градоначалникот кажа дека сите имотно-правни прашања за клучката кај Момин Поток се решени во рекорден рок од пет месеци и на тој потег се работи со засилено темпо.

Пролетва, како што најави, ќе почне проширувањето на булеварот Борис Трајковски кон Драчево и пробивањето на Љубљанска кон населбата Бардовци.

А. АНТЕВСКА