Запалена е дива депонија на кејот на реката Вардар, кај хотелот „Александар Палас“. На терен интервенира Бригадата за противпожарна заштита со 4 возила и 11 пожарникари.

Пожарникарите се сомневаат дека пожарот е подметнат. (Фото: СДК.МК)

„Станува збор за подметнат пожар бидејќи ѓубрето и отпадот се запалени на неколку места. Пожарот е поголем, но под контрола“, велат од Бригадата за противпожарна заштита.

Градоначалникот на Карпош Стефан Богоев апелираше на внимание за сите кои се движат на овој потег.

А. АНТЕВСКА