Градоначалникот на Општина Сарај Блерим Беџети се закани дека ако Владата му ги одземе надлежностите поради дивите платформи на Матка, тој ќе организира референдум за да жителите на Сарај да одлучат за тоа.
Тој вели дека решавањето на дивите платформи на Матка не е приоритет, бидејќи имал други работи важни за жителите на општината.
На прашањето на САКАМДАКАЖАМ.МК до каде е постапката околу барањата на сопствениците за легализација и дали има намера да ги урива, Беџети рече уште се водел судски спор.
„Сѐ уште се води судски спор. Немам јас време да се занимавам само со три даски на Матка. Ние имаме куп проблеми како општина, делови на Сарај немаат вода, канализација, патишта“ рече Беџети на денешната прес-конференција.
- ЗА ПЛАТФОРМИТЕ НА МАТКА СЕ ЧЕКА СУГАРЕСКИ, ЗАЕВ И БЕЏЕТИ СЕ ПОВИКАА НА ПРАВОТО НА ЖАЛБА НА УЗУРПАТОРИТЕ
- ОБВИНИТЕЛСТВОТО ДА ОТВОРИ ИСТРАГА ПРОТИВ ГРАДОНАЧАЛНИКОТ НА САРАЈ БЛЕРИМ БЕЏЕТИ ЗА ДИВИТЕ ПЛАТФОРМИ НА МАТКА, БАРА АНТИКОРУПЦИСКАТА КОМИСИЈА
А. АНТЕВСКА
