Купишта расфрлано ѓубре има на патот од Кичево кон Охрид, околу 5 километри по Кичево, во близина на Другово. Ѓубрето е расфрлано пред чешмата на која кичевчани и оние кои патуваат накај Охрид застануваат да си наполнат вода.

По Стража, на ова место најмногу одмараат оние кои патуваат за Охрид. Кичевчани велат дека на оваа чешма има најчиста и најстудена вода и многумина полнат и за домашна употреба.

Од ѓубрето, сега до чешмата е потешко да се дојде па луѓето го прескокнуваат ѓубрето за да наполнат вода.

М. ЏАРОВСКА