Кафулињата, маркетите и другите фирми ќе мора да си постават посебни контејнери за фрлање ѓубре, а и за тоа ќе им се наплатува. Советот на Град Скопје на вчерашната седница ја изгласа точката за измена и дополнување на Одлуката за комунален ред, предложена од градоначалникот Орце Ѓорѓиевски.

„Сите субјекти кои создаваат или поседуваат отпад при вршење на комерцијални, индустриски, трговски, услужни, административни и слични дејности и е сличен по природа или состав со отпадот од домаќинствата, се должни да склучат договор за собирање и транспортирање на отпадот со ЈП ‘Комунална хигиена‘. Субјектите се должни претходно да вршат селекција на отпадот на местото на неговото создавање во посебни садови различни од оние наменети за домаќинствата. За непочитување на одредбите од член 92-в на оваа одлука, овластен инспектор од Град Скопје ќе изрече глоба согласно позитивните законски прописи“, стои во Одлуката за комунален ред.

• КАФЕАНЏИИТЕ УШТЕ НЕМААТ ПОСЕБНИ КОНТЕЈНЕРИ, ОД ГРАД СКОПЈЕ ВЕЛАТ ЧЕКААТ ДА ИМ КАЖАТ КОЛКАВА ГОЛЕМИНА ИМ ТРЕБА
• КАФЕАНИТЕ СО НИВНИОТ ОТПАД ГИ ЗАТРУПУВААТ КОНТЕЈНЕРИТЕ, ОД ГРАД СКОПЈЕ ВЕЛАТ ДЕКА ЌЕ ДОБИЈАТ ПОСЕБНИ КАНТИ И ТАРИФНИК ПО КОЈ ЌЕ ПЛАЌААТ

• ГРАД СКОПЈЕ ЗАБРАНИ ФРЛАЊЕ ОТПАД ВО КОНТЕЈНЕРИТЕ ОД 22 ДО 6 ЧАСОТ, КАЗНАТА Е 50 ЕВРА

Постојната Одлука за комунален ред не содржи одредби за оваа комунална дејност, па од таа причина се наметнува потреба за нејзино изменување и дополнување.

Со предложените одредби, како што велат од Град Скопје, се утврдува единствен овластен субјект за собирањето и транспортирањето на комуналниот комерцијален отпад на подрачјето на градот Скопје, а тоа е ЈП „Комунална хигиена“.

А. АНТЕВСКА