Од 60 прегледани граѓани во мобилната амбуланта за бесплатни скрининг прегледи на црн дроб во Куманово, 30 имале проблеми со црниот дроб, за кои не знаеле. Граѓани вчера попладне на Градскиот плоштад дојдоа да направат бесплатен и анонимен тест за хепатит Б, Ц и ХИВ, како и еластографија за проценка на црниот дроб.
„Дури половина од прегледаните граѓани имаа знаци за оштетување на црниот дроб. Ова е доста алармантно. Тоа не значи дека сите имаат инфекција, туку дека имаат лош начин на живот, лоша исхрана, користење на многу лекови, пиење алкохол“, изјави директорот на Општа болница Куманово, д-р Стефан Трајановски.
Мобилната амбуланта за бесплатен и анонимен скрининг за навремено детектирање на болести на црн дроб се организира по повод одбележување на Светскиот ден на црниот дроб.
Национална кампања за скрининг на црн дроб, се одвива во 10 градови во државата, а започна вчера во Скопје и Куманово.
Кампањата ја организираат Министерството за здравство, „Хепар центар“ од Битола и Клиниката за гастроентерохепатологија.
Агендата на мобилната амбуланта за бесплатен и анонимен скрининг за следните градови е :
31.07.2024 – Штип и Струмица
– Штип (Градски Плоштад)
– 09:00 – 11:00
– Струмица (Градски плоштад)
– 17:30 – 19:30
05.08.2024 – Струга и Охрид
– Струга (Градски Плоштад)
– 09:00 – 11:00
– Охрид (Градски Плоштад)
– 17:30 – 19:30
06.08.2024 – Битола и Кавадарци
Битола (Градски плоштад)
– 09:00 – 11:00
– Кавадарци (Градски Плоштад)
– 17:30 – 19:30
С. НИКОЛИЌ
