„Предвидуваме во буџетот за наредната година да има зголемување на износот за студентскиот оброк, а за колку ќе биде тоа зголемување се зависи од новот буџет што ќе биде донесен за 2025 “, рече министерката за образование и наука Весна Јаневска на денешниот прием на бруцошите на Универзитетот „Гоце Делчев“ (УГД) во Штип.

Постојниот изност за студентски оброк изнесува 140 денари, но според сите оценки тој е минимален со оглед на постојаната инфлација. Рокот за пријавување траеше од 15 август до 5 септември. Правото за субвенционирање на студенстки оброк не може да се остварува во периодот од 1 јули до 1 октомври во годината во која студентот се стекнал со тоа право, како и за време на државните празници и неработни денови. Износто за студентскиот оброк е достапен за користење на сметка до крајот на тековната седмица, заклучно со сабота.

Јаневска најави дека во идниот буџет ќе се предвидат и повеќе средства за реконструкција на студентските домови и тоа не само двата дома во Скопје, туку и во другите места сѐ додека не заврши рекострукцијата на сите, за да имаат студентите подобри услови за студирање. Исто така, рече дека се изменети и неколку правилници, па сега и оние студенти кои имаат 180 кредити можат да аплицираат за постдипломски студии, како и за педагошкото студирање.

Т. ЈОВАНОВСКИ